შვედეთის პრემიერ-მინისტრი: ჩვენ არ გვაინტერესებს მოსკოვის აზრი შვედეთის ნატოში გაწევრიანებიაზე
ნატოში შვედეთის შესაძლო გაწევრიანებაზე რუსეთის საგარეო საქმეთა მინისტრის სერგეი ლავროვის კომენტარების პასუხად, შვედეთის პრემიერ-მინისტრმა სტეფან ლიოფვენმაგანცხადა, რომ სტოკჰოლმს გადაწყვეტილების მისაღებად არ სჭირდება მოსკოვის აზრის მოსმენა.
ლიოფვენმა მიანიშნა, რომ რუსი მინისტრის სიტყვები „აბსოლუტურად გამოუსადეგარია“, რადგან არავინ ინტერესდება მოსკოვის პოზიციით ამ საკითხის მიმართ.
“შვედეთში ჩვენ თავად ვიღებთ გადაწყვეტილებებს თავდაცვისა და უსაფრთხოების პოლიტიკის შესახებ. აქედან გამომდინარე, ვითხოვთ ჩვენს გადაწყვეტილებებს იმავე პატივისცემით მოეპყრონ, როგორც ჩვენ ვეპყრობით სხვა ქვეყნების გადაწყვეტილებებს,” განცხადა შვედეთის ლიდერმა.
ლიოფვენის თქმით, სამხედრო ალიანსებში არ გაწევრიანების პოლიტიკა შვედეთს ჯერ-ჯერობით მხოლოდ წაადგა. “ჩვენ ამაზე უამრავჯერ გვისაუბრია და მოსკოვმა ეს კარგად იცის”, დაასკვნა მან.
სერგეი ლავროვმა, 28 აპრილს Dagens Nyheter-თან ინტერვიუში განაცხადა, რომ კრემლი შვედეთის ნატოში შესაძლო გაწევრიანებას მის ჩრდილოეთ საზღვრებთან სამხედრო-ტექნიკური ზომების გახორციელებით უპასუხებს. ლავროვმა აქვე დაამატა, რომ რუსეთი არ განიხილავს შვედეთის ნატოში გაწევრიანებას, როგორც რუსეთის ფედერაციაზე შეტევას.
