ნატო-ს გენერალური მდივნის მოადგილე: სტაბილურობა შავ ზღვაზე ევროატლანტიკური უსაფრთხოების მნიშვნელოვანი კომპონენტია

ალექსანდრ ვერშბოუმ ისაუბრა არსებულ სტრატეგიულ ლანდშაფტზე და თუ რა სახის რეაგირებას გეგმავს ნატო. “მნიშვნელოვანია, რომ ჩვენ წინაშე სტრატეგიული საფრთხეები ერთდროულად ორი სხვადასხვა მიმართულებიდან მოდის. ერთის მხრივ, აგრესიული რუსეთი ხელყოფს საერთაშორისო სამართალს  და მისი მეზობლების სუვერენიტეტს ყირიმის უკანონო ანექსიითა  და აღმოსავლეთ უკრაინის დესტაბილიზაციით”, განაცხადა ვერშბოუმ. “მეორეს მხრივ”, მისი თქმით, “არასტაბილურობა და ძალადობა ჩვენს სამხრეთ ზღურბლზე  ზრდის რისკებს, რომ  მოკავშირეების ტერიტორიებიც გახდნენ მეტად მოწყვლადი ტერორიზმისა და უკონტროლო მიგრაციის მიმართ“.  ნატოს გენმდივნის  მოადგილემ ხაზგასმით აღნიშნა, რომ ბულგარეთი მდებარებს ამ ორი მომდინარე საფრთხის გზაჯვარედინზე, რაც ძლიერ შეშფოთებას და ამავდროულად ამ ქვეყნის მიმართ ალიანსის დიდი ინტერესს იწვევს, რამდენადაც ამ საკითხებში ბულგარეთის გამოცდილება და კარგად ჩახედულობა ნამდვილად გამოსადეგია მათ დასაძლევად.

სამხრეთში არსებულ საფრთხეებზე ნატოს პასუხზე საუბრისას, გენერალური მდივანის მოადგილემ განაცხადა, რომ ნატო აძლიერებს თავის ძალისხმევას “სტაბილურობისთვის განმტკიცებისათვის” მთელს რეგიონში თავდაცვითი შესაძლებლობების გაზრდის საშუალებით. “ადგილობრივი ძალებისთვის სასწავლო, საკონსულტაციო და სხვა სახის დახმარების გაწევით ვზრდით მათ შესაძლებლობებს რათა უკეთ შეძლონ დაიცვან საკუთარი ქვეყნები, საჭიროების შემთხვევაში კი მხარი დაუჭირონ  და გაწვრთნან სხვები. ეს არის ის, რასაც უკვე ვაკეთებთ ისეთ ქვეყნებში, როგორიცაა ერაყი, იორდანია და ტუნისი “, განაცხადა მან.

ალექსანდრ ვერშბოუმ ხაზგასმით აღნიშნა, რომ ორივე გამოწვევა – უფრო აგრესიული რუსეთი დაარასტაბილურობა ახლო აღმოსავლეთსა და ჩრდილოეთ აფრიკაში – ძალიან მაღალი ალბათობით შევა ნატოსვარშავის ივლისის სამიტის დღის წესრიგში, სადაც ალიანსმა უნდა მიიღოს გადაწყვეტილებანი კოლექტიურითავდაცვისა და შეკავების შემდგომ გაძლიერებაზე.