რუმინეთის საელჩომ თანადააფინანსა კონფერენცია “გზა საქართველოსა და რეგიონული უსაფრთხოებისკენ”
2015 წლის 28 აპრილს, არასამთავრობო ორგანიზაცია ევროატლანტიკურმა ფორუმმა, რუმინეთის საელჩოს (ნატოს საკონტაქტო საელჩო საქართველოში) დახმარებით, ჩაატარა კონფერენცია “გზა საქართველოსა და რეგიონული უსაფრთხოებისკენ”. კონფერენციის მიზანი იყო ეჩვენებინა სამოქალაქო და პოლიტიკური ორგანიზაციებს შორის ერთიანობა საქართველოს ევროატლანტიკური არჩევანის მხარდაჭერის კუთხით და მოეხდინა საჯარო განხილვების სტიმულირება საქართველოს უსაფრთხოების გამოწვევებზე და იმ ნაბიჯებზე რომლებიც გადასადგმელია ნატოში შემდგომი ინტეგრაციის გზაზე. მისასალმებელ სიტყვაში რუმინეთის ელჩმა მადლობა გადაუხადა ევროატლანტიკური ფორუმის ლიდერებს ღონისძიების კარგად ორგანიზებისთვის და ისეთ საკითხებზე ფოკუსირებისათვის, როგორებიცაა ნატო-საქართველოს არსებითი პაკეტის მნიშვნელობა, ყოველწლიური ეროვნული გეგმის განხორციელება და საქართველოს ევროატლანტიკური ინტეგრაციის გასაღრმავებლად რეფორმებისგაგრძელება.
მონაწილეებმა ისაუბრეს ნატოს როლზე უსაფრთხოებისა და სტაბილურობის განმტკიცების საქმეში, საქართველოს ევროატლანტიკური ინტეგრაციის 2014 წლის სამიტის შემდგომ სტატუსზე, მომავალში გადასადგმელ ნაბიჯებზე და იმ შიდა და საგარეო საფრთხეებზე, რომლებიც ემუქრება საქართველოსა და რეგიონალურ სტაბილურობას.
კონფერენციას ესწრებოდნენ საქართველოს პრეზიდენტის ადმინისტრაციის, მთავრობის, დიპლომატიური კორპუსის, პარლამენტის, არასაპარლამენტო პოლიტიკური ძალების, არასამთავრობო სექტორის, სამეცნიერო წრეებისა და მედიის წარმომადგენლები.
მონაწილეებმა მიიღეს რეზოლუცია, რომელიც ხაზს უსვამს და წარმოაჩენს კონფერენციაზე დამსწრე პირებისა და ორგანიზაციების ხედვის ერთიანობას საქართველოს ევროატლანტიკურ ინტეგრაციასთან დაკავშირებით.
