სახალხო დიპლომატიის საკითხებში ნატოს გენერალური მდივნის თანაშემწის მოვალეობის შემსრულებელი ტედ უაითსაიდის ვიზიტი თბილისში
26-27 მარტს, თბილისში ვიზიტით იმყოფებოდა ნატოს გენერალური მდივნის თანაშემწის მოვალეობის შემსრულებელი ტედ უაითსაიდი. ვიზიტის განმავლობაში შეხვედრები გამართა როგორც სამთავრობო და არასამთავრობო სექტორთან, ასევე ქართველ სტუდენტებთან. ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატში შეხვედრისას მხარეებმა განიხილეს საქართველოსა და ნატოს შორის სახალხო დიპლომატიის საკითხებზე თანამშრომლობისპერსპექტივები. რუსული პროპაგანდის ინტენსიფიკაციის პირობებში და უკრაინასა და ზოგადად რეგიონში მიმდინარე პროცესების ფონზე ხაზი გაესვა საქართველოს ნატოს წევრ ქვეყნებთან სტრატეგიული კომუნიკაციის საკითხებზე თანამშრომლობისმნიშვნელობას,
ვიზიტისას, ნატოს სამეკავშირეო ოფისში ბ-ნი უაითსაიდი შეხვდა ქართულ არასამთავრობო ორგანიზაციებსაც. შეხვედრაზე განხილულ იქნა საქართველო-ნატოს შორის თანამშრომლობის სარგებლის საქართველოს მოსახლეობისადმი სწორი კომუნიკაციისა და ნატოს საქმიანობის ცნობადობის ამაღლების კუთხით ერთობლივი მუშაობის გაღრმავების საკითხები. რუსეთის მხრიდან საინფორმაციო ომის პირობებში, ხაზი გაესვა საქართველოს მხრიდან თანმიმდევრული და სწორი კომუნიკაციის სტრატეგიის არსებობის და ამ კუთხით ნატოს მხრიდან დახმარების გაწევის საჭიროებას. არასამთავრობო სექტორის წარმომადგენლებმა ყურადღება გაამახვილეს ასევე ნატოს მიერ პოლიტიკური გზავნილების გაგზავნის მნიშვნელობაზე საქართველოს ეროვნული უსაფრთხოების სექტორის უწყებებში, მათ შორის შსს-სა და პროკურატურაში, რეფორმირების პროცესის სტიმულირებისათვის.
